منگل 09 اگست 2011 
 آٹھ مقام ( بیورو رپورٹ ) نیشنل بنک آٹھمقام کا آن لائن سسٹم خراب سرکاری ملازمین کو تنخوائیں جاری نہ ہو سکیں۔ تفصیلات کے مطابق ضلع آٹھمقام کے نیشنل بنک کے سٹیلائٹ انٹرنیٹ میں تکنیکی خرابی کے باعث سرکاری محکمہ جات کے ملازمین کو تنخوائیں نہیں مل سکی ہیں ماہ رمضان میں ملازمین کو تنخواﺅں کی عدم دائیگی سے شدید مشکلات کاسامنا کرنا پڑ رہا ہے ملازمین تنظیموں نے متعلقہ حکام سے نوٹس لینے کا مطالبہ کیا ہے۔ 


آٹھ مقام ( بیورو رپورٹ ) نیلم ترقیاتی ادارہ میں بڑے پیمانے پر گھپلے اعلٰی سطحی تحقیقات شروع کر دی گئی ادارہ کے دفاتر کو سیل کر دیا گیا ہے تفصیلات کے مطابق نیلم ڈویلپمنٹ بورڈ میں بوگس تقرریوں چھ کروڑ سے زائد مالی خرد برد کے انکشاف کے بعد محکمہ کے اہلکاروں نے ریکارڈ میں ترامیم کی جارہی تھیں زیادہ تر ریکارڈ کو تلف کر دیا گیا ہے جس میں دو سابق چیئرمین ایک سیکرٹری اور مرکزی کردار ایک ضیاءاصغر نامی اکاﺅنٹنٹ ہے جنھوں نے گیارہ سابق ملازمین کو فارغ کرکے25نئے ملازمین جن میں ان کے رشتہ دار اقرباءبھی شامل ہیں لاکھوں روپے رشوت لے کر بغیر مشتہر بدوں ٹسٹ انٹرویو کے سکیل5 سے 17 تک خلاف قانوں سابقہ تاریخوں میں تین سال قبل سے تقرریوں کے آرڈر جاری کئے گئے قانونی شلٹرحاصل کرنے کئے لئے بھرتی شدہ ملازمین سے تنخواﺅں کی ادائیگی کے لئے عدالت میں رٹ دائر کروائی گئی ترقیاتی منصوبہ جات کے نام پر6 کروڑ سے زائد کی رقم کی خرد برد کی گئی جس کا ریکارڈ غائب کر دیا گیا ہے بڑے پیمانے پر کرپشن کے دستاویزی شواہد کے انکشافات کے بعد محکمہ کے حکام اہلکاروں نے ریکارڈ میں ترامیم اور اہم دستاویزات تلف کرنے کی اطلاعات کا نوٹس لیتے ہوئے ڈسٹرکٹ مجسٹریٹ کے حکم پر نیلم ترقیاتی ادارہ کے چک آٹھمقام کے دفاتر کو سیل کر دیا گیا ہے ملوث اہلکار بھی روپوش ہو گئے ہیں تفتیشی اداروں کی طرف سے مالیاتی خرد بر خلاف ضابطہ تقرریوں کی تحقیقات کا آغاز شروع کر دیا گیا ہے۔ 




آٹھ مقام ( بیورو رپورٹ ) جاگراں پاور ہاﺅس کی بحالی کے دعوے بے بنیاد نکلے
 لوڈشیڈنگ کے دورانیہ میں اضافہ۔ تفصیلات کے مطابق محکمہ ہائیڈرل الیکٹرک بورڈ کے جاگراں پاورہاﺅس کے اگست سے قبل بحالی کے دعوے بے بنیاد نکلے ہیں ایک سال کا عرصہ گزرنے اور 30 کروڑ خرچنے کے باوجو د تعمیر نو بحالی کا کام مکمل نہیں ہو سکا ہے زرائع کے مطابق محکمہ کے حکام نے تعمیراتی کام کمیشن پر اپنے عزیز اقارب کو دے رکھا ہے جو کہ پہلے دن کام کرتے ہیں دوسرے دن کام ٹوٹ پھوٹ کاشکار ہو جاتا ہے ایک سال سے پاور اسٹیشن کی بندش کے باعث حکومت کو یومیہ لاکھوں روپے کا نقصان اُٹھانا پڑ رہا ہے ایک سال میں صرف دو ٹربائنیں چل سکیں گی32 میگاواٹ کے بجائے صرف5 میگاواٹ کی بحالی متوقع ہے لیکن پاور ہاﺅس کو بجلی پیدا کرنے کے بجائے مال بناﺅ کا ذریعہ 
بنا دیا گیا ہے ۔ 


آٹھ مقام ( بیورو رپورٹ ) مسلم کانفرنس سپریم ہیڈ سردار عبدالقیوم خان کی صحت یابی کے لئے دعا کی گئی ہے مسلم یوتھ کے سرپرست اعلٰی راجہ زاہد خان نے مجاہد اول کی صحت یابی کے لئے دعائیہ تقریب کا اہتمام کیا گیا جس میں قرآن خوانی کی گئی تقریب میں مسلم کانفرنس کے کارکنان یوتھ کے دیگر رہنماﺅں نے شرکت کی مجاھد اول سردار عبدالقیوم خان کی صحت یابی کے دعا کی گئی ہے۔ 

پیر 08 اگست 2011
آٹھ مقام (بیورو رپورٹ ) نیلم یوتھ کے رہنماﺅں چیئر مین ملک حیات اعوان، سید صدام بُخاری، مفتی اشفاق احمد خان، لطف الرحمان قریشی نے مشترکہ پریس کانفرنس سے خطاب کرتے ہوئے کہا کہ وادی نیلم میں موبائل فون سروس کی فراہمی کے لئے یک نقاطی ایجنڈہ کے تحت اجتجاجی تحریک کو فعال کر دیا گیا ہے وفاقی وزراءسمیت وزیر اعظم پاکستان وادی نیلم میں ہنگامی بنیادوں پر موبائل فون سروس کی فراہمی کا اعلان کر چکے ہیں گذشتہ تین سالوں سے اعلانات کا عمل جاری ہے مقامی لینڈ لائن آپریٹر ایس سی او کی طرف سے ایک ماہ کے اندر اایس کام موبائل فون سروس کی فراہمی کا دو سال سے اعلان وقت گزاری کا محض ایک بہانہ ہے مواصلات کی سہولےات نہ ہونے کی وجہ سے سیاحت کی صنعت ختم ہونے سے ہزاروں خاندانوں کے چولہے بُجھ چکے ہیں کوئی بھی سرکاری اہلکار صرف موبائل فون سروس نہ ہونے کی وجہ سے نیلم میں سروس تک کرنے نہیں آتا ہے عوامی سرکاری و نیم سرکاری امور متاثر ہو رہے ہیں صرف لینڈ لائن کی اجارہ داری قائم رکھنے کے لئے من گھڑت جواز بنا کر نیلم میں پرائیویٹ کمپنیوں کو کام کرنے سے روکا جا رہا ہے جوکہ سراسر زیادتی ہے اس طرح کے اقدامات سے عوام میں نفرت اور احساس محرومی کو جنم دیا جا رہا ہے انتخابات کی وجہ سے نیلم یوتھ نے اجتجاجی تحریک کو محدود کیا تھا نیا حکومتی سیٹ اپ بننے کے بعد نیلم یوتھ بھرپور طریقے سے پوری وادی نیلم میں موبائل فون سروس کی فراہمی کے لئے اجتجاجی مظاہروں کا سلسلہ شروع کر رہی ہے تمام مکاتب فکر کی مشاورت سے وزیر اعظم ہاﺅس اسلام آباد کے سامنے دھرنا اور بھوک ہڑتال کی کال دینے پر بھی غور کیا جا رہا ہے انھوں نے کہا کہ پورے ملک کی طرح اازاد کشمیر میں بھی مواصلات نظام پی ٹی سی ایل کے حوالے کیا جائے پاکستان ٹیلی کمیونکیشن اتھارٹی موبائل فون کمپنیوں کو پورے ملک کی طرح وادی نیلم میں بھی سروس فراہم کرنے کا پابند بنائے امتیازی دوہرا سلوک کی وجہ سے تنگ آمد بجنگ آمد کسی بھی شدید رد عمل کی ذمہ داری متعلقہ حکام پر ہو گی۔
آٹھ مقام (بیورو رپورٹ ) اسسٹنٹ کمشنر کے ڈرائیور کی ٹھیکیداروں کے ساتھ بدتمیزی، تعمیراتی کام بند ۔ تفصیلات کے مطابق ضلعی ہیڈ کواٹر آٹھمقام میں محکمہ تعمیرات عامہ کے جاریہ منصوبہ تعمیر دفتر ایس ڈی او کی دیوار بندی کے دوران اسسٹنٹ کمشنر عبدالقیوم مغل کی موجودگی میں ڈرائیور فضل بٹ نے ایس ڈی ایم کے اختیارات استعمال کرتے ہوئے زبردستی کام بند کرا دیا تعمیراتی سامان اُٹھا کر لے گیا اور ایکسویٹرمشین کے ذریعے کیا گیا کام اُکھاڑ دیا گیا جس پر ٹھیکیدار کے ساتھ بدتمیزی پر اتر آیا مہتمم تعمیرات عامہ عرفان اللہ نے ڈپٹی کمشنر کے ساتھ مذاکرات کے بعد دبارہ کام شروع کیا تو ڈرائیور فضل بٹ نے ٹھیکیداران کے ساتھ دبارہ بدتمیزی شروع کر دی اور مزدوران کو بھگا دیا جس پر ٹھکیدار یونین نے اجتجاجا ضلع نیلم کے جملہ ترقیاتی منصوبہ جات کے جاریہ کام بند کر دئیے ہیں مہتمم تعمیرات بلڈنگ عرفان اللہ نے اپنے موقف میں بتایا ہے کہ جملہ کام قواعد ضوابط کے تحت ہو رہا ہے انضباطی کاروائی کے لئے ڈپٹی کمشنر کو مکتوب تحریر کیا گیا ہے جبکہ ریونیو ڈیپارٹمنٹ کا کو آفیسر موقف دینے کے لئے دستیاب نہیں تھا۔

بھارتی کشمیر: فرضی جھڑپ میں ہلاک ہونے والا ذہنی مریض تھا، دو فوجی گرفتار 

بھارتی فوج نے اتوار کے روز یہ دعویٰ کیا تھا کہ اُس نے مقامی پولیس ک
ے عسکری مخالف اسپیشل آپریشنز گروپ (ایس او جی)کے ساتھ ایک آپریشن کے دوران لشکرِ طیبہ کے ایک ڈویژنل کمانڈر اور اُس کے ساتھی کو ہلاک کیا ہے۔

ہلاک شدہ عسکری کمانڈر کی شناخت گجرانوالا پاکستان کے شہری، ابو عثمان کے طور پر کی گئی تھی اور کہا گیا تھا کہ وہ سورن کوٹ علاقے میں کئی برس سے سرگرم تھا۔

مقامی پولیس کو اُس کی لاش سونپتے ہوئے یہ رپورٹ درج کرائی گئی تھی کہ ہلاک ہونے والے دوسرے عسکریت پسند کی لاش کو موصلہ دھار بارش کے دوران پانی کا ایک تیز ریلا بہا کر لے گیا۔یہ بھی کہا گیا تھا کہ عسکریت پسندوں کے استعمال میں دوسرے ہتھیار پانی میںٕ بہہ کر ایک گہری کھائی میں گر گئے۔

ہلاک شدہ شخص کی لاش پہلے مقامی مسلمانوں کو سونپی گئی تھی، لیکن اُنھوں نے اُس کی تجہیز و تکفین کرنے سے انکار کیا۔

پوسٹ مارٹم کی رپورٹ سے یہ راز افشاع ہوگیا کہ جِس شخص کو ہلاک کرکے لشکرِ طیبہ کا اعلیٰ عسکری کمانڈر جتلایا گیا تھا وہ دراصل ایک ہندو ذہنی مریض تھا جسے سپاہیوں نے قریبی قصبے راجوڑی کے ایک بازار میں دیکھا تھا جہاں سے اُسے پکڑ کر سرحدی علاقے میں لے گئے اور پھر فرضی جھڑپ کے دوران اُسے ہلاک کیا گیا۔

دوسپاہیوں کو گرفتار کیا گیا ہے جِن میں سے ایک کا تعلق علاقائی فوج اور دوسرے کا ایس او جی کے ساتھ ہے۔

گذشتہ سال بھارتی کشمیر میں تین مقامی مسلمان نوجوانوں کو فوج میں ملازمت فراہم کرنے کا لالچ دے کر کنٹرول لائن پر لے جا کر فرضی جھڑپ کے دوران ہلاک کرنے کے واقعے پر بڑے پیمانے پر پُرتشدد مظاہرے ہوئے تھے۔

اِس سے قبل بھی شہریوں کو فرضی جھڑپ کے دوران ہلاک کرنے کے کئی واقعات پیش آئے ہیں۔