آٹھ مقام (بیورو رپورٹ ) پی ایس ایف کے سابق رہنماہ شیخ جواد مشتاق لیسوا کے مقام پر کارکنوں کے اجتماع سے خطاب کرتے ہوئے کہا کہ پیپلز پارٹی عوام کے اعتماد پر پورا ترے گی مفاہمت کی سیاست کے تحت لوگوں کے کام کئے جائیں گے کسی کے ساتھ کوئی انتقامی کاروائی نہیں ہو گی آزاد کشمیر میں مضبوط اور فعال عوامی حکومت قائم کرنے کے لئے بیرسٹر سلطان محمود چوہدری کو وزیر اعظم بنایا جائے پیپلز پارٹی کے کارکنان نے بیرسٹر سلطان محمود چوہدری کو وزیر اعظم بنانے کے لئے وفاقی قیادت کو اپنی رائے سے آگاہ کر دیا ہے۔


 آٹھ مقام (بیورو رپورٹ ) رشتہ کے تنازع نوجوان کو گولی مار کر شدید زخمی کر دیا مقدمہ درج پولیس نے کاروائی شروع کر دی۔ تفصیلات کے مطابق طفیل اختر بھٹی سکنہ اشکوٹ کو رشتہ دینے کے انکار پر لڑکی والوں کے رشتہ دار عبدالرشید ولد مجید نے پستول سے فائر کر کے شدید زخمی کر دیا ہے لوگوں نے واقعہ کی اطلاع قریبی پولیس کو دی مضروبہ کو شدید زخمی حالت میں ایم ڈی ایس منتقل کرتے ہوئے ایف آئی آر درج کر کے ملزم عبدالرشید کو گرفتار کر کے تفتیش شروع کر دی ہے ۔ 


 آٹھ مقام (بیورو رپورٹ ) مسلم کانفرنس کے سینئر کارکنوں راجہ زاہد خان ، راشد بصیرشرافت علی میر نے اپنے مشترکہ بیان میں کہا کہ مسلم کانفرنس نیلم کی مقامی قیادت اتخابات میں سنجیدہ نہیں تھی مسلم کانفرنس کے امیدوار سردار گل خنداں اپنے لئے ووٹ مانگنے کے بجائے پیپلز پارٹی کی مہم چلارہے تھے آخری تین دنوں میں لوگوں سے ملنے کے بجائے گھر سوئے رہے کسی جگہ پورے الیکشن میں دس روپے کا پوسٹر تک نہیں لگایا نظریاتی کارکنوں نے بھرم رکھنے کے لئے چندہ کر کے جھنڈے اور پرانے بینر پوسٹر آیزاں کئے رکھے الیکشن ہارنے کے بعد ووٹ دینے والوں کا شکریہ تک ادا کرنے کی زحمت گوارہ نہیں کی ہے جبکہ خواجہ شفیق نے مسلم لیگ ن کے امیدوار شاہ غلام قادر کو ووٹ دلوائے مفتی منصور جماعت کو ووٹ دلانے کے بجائے شاہ غلام قادر کے خلاف مہم چلا کر رکھی اور ووٹ پیپلز پارٹی کو دیا جماعتی کارکنوں اور صدر جماعت سردار عتیق احمد خان کو دھوکہ دیا اب دھاندلی کا بہانہ بناکر جان بچانے کی کوشش کر رہے ہیں انھوں نے صدر جماعت سردار عتیق احمد خان نے مقامی قیادت کی خرمستیوں کا نو ٹس لینے کا مطالبہ کیا ہے ۔

آٹھ مقام (بیورو رپورٹ) نیلم بس حادثہ میں جاں بحق ہونے والی خاتون کی نعش دریائے نیلم سے باڑیاں کے مقام سے برآمد نعش امانتا دفن، تفصیلات کے مطابق گذشتہ ماہ وادی نیلم کے بس حادثہ میں جاں بحق ہو نے والی ایک خاتون آسیہ مجید کی مسخ شدہ نعش باڑیاں کے مقام سے دریائے نیلم سے برآمد ہوئی ہے جس کو مقامی لوگوں نے ورثاءکے نہ ملنے پر امانتا تدفین کر دی ہے ۔ 
 آٹھ مقام (بیورو رپورٹ ) آزاد جموں وکشمیر قانون سازاسمبلی کے حلقہ ایل اے30اور ایل اے36میں انتخابات کے التواءکے خلاف متحدہ قومی موومنٹ کی جانب سے آزاد جموں وکشمیر ہائیکورٹ میں دائردرخواست پر بحث مکمل ،عدالت نے دونو ں فریقین کے وکلاءکے دلائل سننے کے بعد فیصلہ محفوظ کر لیا ۔الیکشن کمیشن کی جانب سے دونوں حلقوں میں انتخابات ملتوی کیے جانے کے اقدام کو متحدہ قومی موومنٹ کی جانب سے طاہر کھوکھر نے آزاد جموں وکشمیر ہائیکورٹ میں چیلنج کیا تھا جس کی سماعت ہائیکورٹ کے فل بینچ نے کی ۔ہفتہ کے روز درخواست کی سماعت کرنے والے فل بینچ کی سربراہی چیف جسٹس ہائیکورٹ آزاد جموں وکشمیر جسٹس غلام مصطفی مغل نے کی جبکہ بینچ میںجسٹس چودھری منیر احمد اور جسٹس ایم تبسم آفتاب علوی شامل تھے ۔متحدہ قومی موومنٹ کی طرف سے پارلیمانی لیڈر طاہر کھوکھراور ان کے وکیل میر شرافت ایڈوکیٹ جبکہ الیکشن کمیشن کی جانب سے خواجہ نسیم احمد ایڈوکیٹ پیش ہوئے ۔ایم کیو ایم کی جانب سے دائر کردہ رٹ کے جواب میں الیکشن کمیشن نے موقف اختیار کیا کہ کراچی میں امن و امان کے صورت حال کے پیش نظر انتخابات ملتوی کیے گئے ۔کراچی میں امن عامہ کو برقرار رکھنا حکومت سندھ کی ذمہ داری ہے اور اس میں الیکشن کمیشن یہ آزاد کشمیر حکومت کا کوئی عمل دخل نہیں ۔جونہی سندھ حکومت امن و امان کی صورتحال کی بہتری کے حوالے سے رپورٹ دے گی فوری انتخابات منعقد کر دیے جائیں گے۔اس پر عدالت نے الیکشن کمیشن کے وکیل سے سوال کیا کہ اگر آزاد کشمیر کے ان انتخابی حلقوں میں جہاں لوگ مرے، گاڑیاں جلی ، عدالتوں پر حملے ہوئے عمارتیں جلائی گئیں اور بیلٹ بکس چھینے گئے وہاں دوبارہ الیکشن کا شیڈول دیا جا سکتا ہے تو کراچی میں کیوں نہیں۔متحدہ قومی موومنٹ کے وکیل نے عدالت کو بتایا کہ الیکشن کمیشن نے حکومت سند ھ پولیس کی جس رپورٹ کو بنیاد بنا کر الیکشن ملتوی کیے گئے اس میں اس قسم کا کئی تذکرہ نہیں کہ کراچی میں امن و امان کی صورتحال خراب ہے اور بلکہ اسمیں کیا گیا ہے کہ دونوں ریٹرننگ افسران کی جانوں کو خطرہ ہے جبکہ وہ وہ دونوں اپنے عہدوں سے پہلے ہی استعفیٰ دے چکے ہیں اور الیکشن کمیشن پاکستان کی جانب سے متبادل ناموں کے فراہمی کے باوجود آزاد کشمیر الیکشن کمیشن نے نئے ریٹرننگ افسران کی تعیناتی کی کاروائی نہیں کی۔عدالت کو بتایا گیا کہ دونوں حلقوں میں انتخابات میں تاخیر کے زریعے وہاں سے منتخب ہونے والے اراکین اسمبلی کو مخصوص نشستوں پر انتخابی عمل سے باہر رکھنے کی سازش کی جا رہی ہے جو ان کے بنیادی حقوق کی خلاف ورزی ہے وفاقی وزیر داخلہ، وزیر اعلیٰ سندھ اور وزیر بلدیات سندھ اسمبلی فلور پر اور میڈیا کے سامنے یہ بیان دے چکے ہیں کہ کراچی میں امن و امن کی صورت حال بہتر اور بلدیاتی انتخابات کے لیے حالات سازگار ہیںمگر اس کے باوجود مبہم پولیس رپورٹ پر الیکشن کا التواءایک سازش کا حصہ ہے جس سے ہزاروں ووٹروں کے بنیادی حقوق غصب کیے گئے ہیں۔اپنے ریمارکس میںچیف جسٹس نے کہا کہ آئین سپریم لاءہے اور اس پر کسی دوسرے قانون کو فوقیت نہیں دی جا سکتی۔ عدالت کے فل بینچ نے دونوں فریقین کے وکلاءکے دلائل سننے کے بعد اپنا فیصلہ محفوظ کر لیا ہے اور توقع ہے کہ یہ فیصلہ سوموار تک سنا دیا جائے گا۔ 

آٹھ مقام ( نمائندہ جنگ ) لائن آف کنٹرول ٹیٹوال سیکٹر چلہانہ کراسنگ پوایئنٹ سے41 افراد نے لائن آف کنٹرول عبور کر لی ۔ تفصیلات کے مطابق منقسم کشمیری خاندانوں کے41 افراد نے اپنے عزیز اقارب کو ملنے کے لئے چلہانہ کراسنگ پوائنٹ سے لائن آف کنٹرول کو عبور کیا ہے آزاد کشمیر سے23 افراد بھارتی زیر انتظام کشمیر کا سفر کیا ہے18 افراد اپنے پیاروں کو ملنے کے لئے آزاد کشمیر آئے ہیں مجموعی طور پر41 افراد کی آمدرفت ہوئی ہے کراسنگ کے دوران دونوں اطراف میں مقامی انتظامیہ آفیسران سکیورٹی اہلکار موجود تھے آر پار جانے والے افراد کو ان کے میزبانوں نے خوش آمدید کہتے ہوئے استقبال کیا ہے ۔


آٹھ مقام ( نمائندہ جنگ ) متحدہ یوتھ فورم نیلم کے چیئر مین مفتی اعجاز احمد خان نے اپنے جاری بیان میں کہا کہ مقامی ایم ایل اے میاں وحید نے سیاسی کریڈٹ حاصل کرنے کے لئے وفاقی حکومت سے نیلم میں موبائل فون سروس کی فراہمی کی راہ میں رکاوٹ ڈالے رکھی میاں وحید ایک بار پھر یم ایل اے بننے میں کامیاب ہو گیا ہے آزاد کشمیر میں پیپلز پارٹی کی حکومت بھی قائم ہو جائے گی میاں وحید پہلی فرصت میں پورے نیلم میں موبائل فون سروس کی فراہمی کو یقینی بنائیں الیکشن کے دوران ایس کام کی فراہمی کا ڈرامہ رچا کر عوام کو گمراہ کرنے کی کوشش کی گئی پانی سر سے گزر چکاہے نیلم کے عوام اب کسی طفل تسلی میں نہیں آئیں گے جدید مواصلات کی سہولیات کی فراہمی تک نیلم عوام متحدہ محاذ کا اجتجاج کا سلسلہ جاری رہے گا حکومت کے بننے کے بعد اس میں مزید تیزی لائی جائے گی 

 جمعرات 30 جوان 2011 
 آٹھ مقام ( بیورو رپورٹ ) وزیرحکومت آزادکشمیر محترمہ شمیم علی ملک نے پریس کانفرنس سے خطاب کرتے ہو ئے کہا کہ وفاق نے بدترین مداخلت کرتے ہوئے انتخابی نتائج کو تبدیل کیا گیا ہے دھاندلی کے ریکارڈ توڑ دئیے گئے ہیں الیکشن کمشنر نے جانبدرانہ کردار ادا کیا ریاست کی واحد نمائندہ اکثریتی جماعت آل جموں کشمیر مسلم کانفرنس کو اقلیت میں تبدیل کر کے ریاست جموں کشمیر کے سٹیٹس کو تبدیل کرنے کی سازش ہو رہی ہے 70ءکی دھائی میں بھی آزاد کشمیر کو صوبہ بنانے کی کوشش کو مجاہد اول نے ناکام بنایا تھا اس مرتبہ انتخابات کی آڑ میں تقسیم کشمیر کی مشق کی جا رہی ہے پاکستان پیپلز پارٹی آزاد کشمیرمیں من پسند قیادت کو اقتدار میں لانے کے لئے کشمیریوں کی رائے کو بلڈوز کرتے ہوئے دھاندلی کے ذریعے مالی انتظامی وسائل کی طاقت پر پی پی پی کے امیدواروں کو دھونس دھاندلی کے ذریعے کامیاب قرار دیا گیا ہے امریکہ کی طرف سے کیری لوگر بل کی رقم پاکستان کی عوام کی روزمرہ زندگی میں بہتری کے استعمال کے بجائے آزاد کشمیر میں ساڑھے تین ارب روپے سیاسی وفاداریاں خریدنے ورکرز جیالوں میں سیاسی رشوت کے طور پر دی گئی ہیں دانستہ طور پر دوران گنتی انتخابی نتائج کو تبدیل کیا گیا ہے میڈیا کے ذریعے دھاندلی کا بھانڈا پھوٹنے پر وفاقی حکومت سٹپٹا گئی اور اوچھے ہتھکنڈوں پر اترتے ہوئے وزیر اعظم آزاد کشمیر کو او آئی سی کے اجلاس میں جانے کے لئے روکا گیا جس سے پوری کشمیری قوم کی تذلیل توہین کی گئی ان قابل مذمت واقعات سے نفرت جنم لیتی ہے ہم استحکام تکمیل پاکستان کی جنگ لڑ رہے ہیں ان اقدامات سے مسلہ کشمیر پر پاکستان کے موقف قومی کاز کو ناقابل تلافی نقصان پُہنچ رہا ہے میاں نواز شریف بڑے سیاستدان ہونے کے کے باوجود آزاد کشمیر میں مجاہد اول سردار عبدالقیوم خان کے ساتھ نجی اختلافات کی بنیاد پر ن لیگ کے بجائے راجہ لیگ قائم کر کے برادری عزم اور علاقائی تعصبات پیدا کئے مہاجرین کی نشستوں پر ڈنڈے کے ذور پر اپنے امیدواروں کو کامیاب کروایا چیف الیکشن کمشنر تمام بے ضابطگیوں پر کنٹرول کرنے کے بجائے پیپلز پارٹی کے پولنگ ایجنٹ کا کردار ادا کرتے رہے پولنگ کے دوران تمام بے ضابطگیوں کے ذمہ دار چیف الیکشن کمشنر ہیں مبینہ دھاندلی سے تحریک آزاد ی پر پاکستان کے موقف کو نقصان ہوا ہے انھوں نے کہا کہ ایک طرف پاکستان اور بھارت کے درمیان اسلام آباد میں تنازعات کو حل کرنے کے لئے مذاکرات ہورہے تھے دوسری طرف آزادی کے بیس کیمپ میں دھاندلی کے ریکارڈ توڑے جا رہے تھے ادھر تم ادھر ہم کسی حل کو کشمیریوں کی مرضی کے بغیر قبول نہیں کیا جائے گا کشمیر میں سیاسی بیداری لٹریسی ریٹ بہت زیادہ ہے کوئی فیصلہ ان کی مرضی کے بغیر قبول نہیں ہو سکتا ہے کشمیر کے تنازعہ کے حل کے لئے اقوام متحدہ کی قرادادیں موجود ہیں کشمیر پرامن قوم ہیں جو کہ آزادی او حق خود ارادیت کے لئے جہدو جہد کر رہے ہیں عالمی برادر ی کشمیریوں کو آزادی دلانے کے لئے اپنا کردار ادا کرے انھوں نے کہا کہ مسلم کانفرنس کشمیریوں کی سیاسی نمائندہ جماعت ہے جو کہ کشمیری قوم کے تشخص کی محافظ ہے غیر ریاستی جماعتوں کو جارحانہ طور پر مسلط کرنا عوامی رائے عامہ کو بلڈوز کرنا جمہوری اقدار کے منافی کشمیریوںکی زبان بند کرنے کے مترادف ہے انھوں نے کہا کہ عوام نے انھیں ووٹ سے منتخب کیا لیکن نتائج تبدیل کرکے اکثریت کو اقلیت میں تبدیل کیا گیا لیکن عوام کی بھرپور نمائندگی کی جائے گی ماضی میں بھی جھنڈیاں لگا کر عوام کے مسائل ان کی دہلیز پر حل کئے وہ لوگ جن کا عوام نے کبھی چہرہ نہیں دیکھا عوام پر مسلط کیا گیا عوام کے مشکور ہیں جنھوں نے اپناقیمتی ووٹ سے نوازا ان کے صدر وزیر اعظم ہم ہی ہیں ان کے مفادات کا تحفط کیا جائے گا ۔